Тутарстан Атăлçи тăрăхӗнче пӗрремӗш вырăнта

Патшалăх статистикин федераллă служби иртнӗ çулхи январь-ноябрь уйăхӗсенче шутланă тăрăх, 2023 çулта Тутарстанра 79647 çын килнӗ, 72150-шӗ кайнă. Пӗр çул маларах, 2022 çулта, республикăра халăх шучӗ 9142 çын таран ӳснӗ пулнă. 

Каласа хăвармалла, Тутарстан миграцие пула халăх шутне ӳстерес енӗпе Федерацин Атăлçи округӗнче 1-мӗш вырăн йышăнать. Танлаштарма: Самара облаçӗнче 2023 çулăн 11 уйăхӗнче 3893 çын хушăннă, Киров облаçӗнче — 602, Марий Элта — 573, Мордовире — 273, Чулхула облаçӗнче — 216. Атăлçи тăрăхӗнчи ытти регионсенче вара халăх шучӗ ӳсме мар, чакса пырать.