Тутарстан министрӗсем тутар чӗлхин курсӗсене ҫӳреме тытӑннӑ

Республикӑри Вӗрентӳ министерствин никӗсӗнче йӗркеленӗ курссене республикӑн министрӗсем тутар чӗлхине вӗренеҫҫӗ. Чылай министерство ертӳҫи тутарла пӗлет, анчах хӑшӗсен пӗлӗвӗсем ҫынсен умӗнче самах каламалӑх ҫитеймеҫҫӗ.

"Министрсем Хусанта кӑна ӗҫлемеҫҫӗ, районсене те тухса ҫӳреҫҫӗ, унта вара ытларах тутар чӗлхеллӗ аудитори. Ҫавӑнпа та, информацие ҫынсеммпатне ӑнланмалла чӗлхепе ҫитерес тесен, тутар чӗлхи пирки ӗҫе вӑйлатни кирлӗ", – тесе пӗлтернӗ ТР Президенчӗн пресс-секретарӗ.

Курссене Республикӑри пичет тата массӑллӑ коммуникацисен агентствин ертӳҫи Айдар Салимгараев, ТР ҫамрӑксен ӗҫӗсен министрӗ Дамир Фаттахов, ТР вӗрентӳпе наука министрӗ Ильсур Хадиуллин ҫӳреме тытӑннӑ.