Тутарстан шулӗкӗсем Шупашкар пенсионерӗсене улталанă
Тутарстанри виçĕ çынна Шупашкарта пурăнакан ватăсен укçине вăрланăшăн арестленӗ тесе пӗлтерет «Пуринчен малтан. Çывăрса юлмасан» телеграм-канал.
Хурахсем преступниксен хушшинче анлă сарăлнă ултав мелӗпе усă курнă. 70-90 çулсенчи ватă çынсем патне шăнкăравласа тăванĕсем çул-йĕр аварине лекнине пĕлтернĕ. Айăпли шăпах вĕсен çывăх çынни тесе улталанă.
Хыççăн ыйтăва çийĕнчех татса пама 100-350 пин тенкĕ тӳлеме сĕннĕ. Лешсем килĕшсенех пенсионерсем патне курьер вĕçтерсе çитнĕ те укçине илсе кайнă.
Тĕпчев çак мелпе шулӗксем пилĕк çынна шăнман пăр çине лартса янине палăртнă. Тăкак — 1 млн тенкĕ ытла. Уголовлă ĕçе тишкернĕ вăхăтра çамрăксем айăпа йышăннă, тăкакăн пĕр пайне саплаштарнă. Ленин районĕн сучĕ вĕсене 3-4 çуллăха ирĕкрен хăтарнă.
Следите за самым важным и интересным в Telegram-каналеТатмедиа
Нет комментариев