Тутарстан усламçисем эрне хушшинче 876 миллион тенкӗлӗх кредит каникулӗ илнӗ

Çак вăхăт тӗлне пурӗ 876 млн тенкӗлӗх 184 заявкăна ырланă. Çав вăхăтра, министр палăртнă тăрăх, 14 районта ку программăпа пӗр зявкă та паман. «Муниципалитетсен кредит илнӗ усламçăсене хыпарлас тӗлӗшпе йӗркеленӗ ӗçе вăйлатмалла», – тенӗ Шагиахметов. Вăл палăртнă тăрăх, каникул пама ыйтса çырнă заявкăсенчен хăшӗ-пӗрне каялла çавăрма тивет. Тӗп сăлтавсенчен пӗри – заявительсем программа условийӗсене юрăхлă пулманнинче: е усламçă МСП субъекчӗсен реестрне кӗмест, е унăн ОКВЭД номерӗсем Раççей Правительстви палăртнисемпе тӳр килмеççӗ.