Сувар

Тутарстанра 2021 çулта вӗренӳ сферинчи нацпроект çине 628 млн ытла укçа уйӑрӗҫ.

202 млн ытла Тутарстан бюджетӗнчен уйӑрӗҫ

Тутарстанра 2021 çулта вӗренӳ сферинчи нацпроект çине 628 млн ытла укçа уйӑрӗҫ, вӗсенчен 202 млн ытла Тутарстан бюджетӗнчен пулӗ.

Ку укҫа-тенкӗ "Вӗренӳ" наци проекчӗ енӗпе виҫӗ проекта пурнӑҫлама кайӗ: "Хальхи шкул" (Современная школа), "Цифра вӗренӳ хутлӑхӗ" ( Цифровая образовательная среда) тата "Кашни ачан ăнӑҫлӑхӗ" (Успех каждого ребенка).

Унсӑр пуҫне «Салават Купере» пурӑнмалли ҫурт-йӗр комплексӗнче 1224 ача валли шутланă шкул тума пуҫлӗҫ. Ҫавӑн пекех Тутарстан влаҫӗсем ТР Мӗслӗм тата Саба районӗсен шкулӗсенче спортзалӗсене юсаҫҫӗ.

Унсӑр пуҫне 2021 ҫулта Тутарстанри ял шкулӗсенче 114 "Точка роста" ятлă функциллӗ зона тата Хусанти 98-мӗш шкул базинче "Кванториум" ятлă ача-пӑча технопаркне уҫма палӑртнӑ.

ТР Правительствин планӗсенче çавăн пекех ТР тӗп хулинчи икӗ коррекци шкулӗн пурлӑхпа техника никӗсне лайӑхлатма тата 26 вӗренӳ организацийӗсенче (23 шкул тата 3 ятарлă вăтам вӗренӳ паракан шкул) компьютерпа презентаци хатӗрӗсене ҫӗнетме.

Маларах Тутарстанӑн 110 вӗренӳ организацийӗнче наци проекчӗсене пурнӑҫланине пула вӗренӳ валли оборудовани тата компьютер хатӗрӗсем туяннă.

Раҫҫейре РФ Президенчӗ Владимир Путин пуҫарнипе наци проекчӗсене 2019 ҫултан пуҫласа пурнӑҫлаҫҫӗ. Вӗсен валли тӗллевсене патшалӑх пуҫлӑхӗ "Май уйӑхӗнчи" указра йӗркеленӗ.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: