Тутарстанра апрелӗн 22-мӗшӗнчен пушара хирӗçле режим пуçланать

Çакăнпа çыхăннă проект постановленийӗнче çапларах çырнă: «2024 çулхи апрелӗн 22-мӗшӗнчен пуçласа майăн 12-мӗшӗччен Тутарстан Республикин территорийӗнче пушара хирӗçле ятарлă режима пăхăнмалла». 

Çак тапхăрта кăвайт чӗртме, кил таврашӗнчи çӳп-çапа, типнӗ курăка çунтарма юрамасть. Çавăн пекех çынсем пурăнакан вырăнсенче, сад юлташлăхӗсенче, ача-пăча лагерӗсенче мангал çинче апат хатӗрлеме те юрамасть. Ку чару ресторансемпе кафесене, барсене, обществăлла апатланăвăн ытти объекчӗсене пырса тивмест. 

Пушар тухма пултаракан вырăнсенче 1-3 класлă пиротехника изделийӗсемпе те усă курма юрамасть. Çунакан-сӗрекен материалсем пулăшнипе тӳпене çӗкленекен чарма-пăрма çук конструкцисене те ямалла мар.

Сăнӳкерчӗк «Татмедиа».