Тутарстанра Пӗрлехи патшалăх экзаменӗнче 200 балл пуçтарнă выпускниксен шучӗ ӳснӗ

«Вӗсене пурне те «За особые успехи в учении» медальпе наградăланă, – тесе хыпарланă Вӗрентӳпе наука министерствин пуçлăхӗ. – Паянхи куна Тутарстанри шкулсенчен вӗренсе тухакансенчен 218-шӗн çӗр баллă результатсем».

Хадиуллин сăмахӗсемпе, пӗр предметпа çӗр балл илме 190 çын пултарнă, вӗсенчен 132 выпускник «За особые успехи в учении»  медале илме тивӗçнӗ. Министр палăртнă тăрăх, иртнӗ çулсенчи пекех, кăçал Пушкин ячӗллӗ 78-мӗш лицей, Çырчаллинчи 26-мӗш гимнази, ХФУ-н IT-лицейӗ, çавăн пекех Хусанти 7-мӗш гимнази, 19-мӗш гимнази, 131-мӗш лицей çакнашкал пултаруллă ачасене экзаменсене хатӗрлеме пултарнă.

Пурӗ патшалăх пӗтӗмлетӳ аттестацине Тутарстанра кăçал 17 452 çын иртнӗ, çав шутра 2022 çулта шкул пӗтернисем 16 153 çын.