Тутарстанра виçӗ çултан аслăрах ачасене 100% ача садне илме вырăнсем пур

«Иртнӗ çул пӗтӗмлетӗвӗсемпе шкул умӗнхи вӗрентӳпе ачасен 97,4 проценчӗ усă кураятчӗ, çав шутра виçӗ çул тултарман ачасем – 82% майлă, виçӗ çултан аслăрах ачасем – 100 проценчӗпех», - тесе пӗлтернӗ Вӗрентӳпе наука министерствин пуçлăхӗ. Хадиуллин палăртнă тăрăх, Тутарстанра 1993 ача сачӗ ӗçлет, вӗсенче 215 пин ытла ача воспитани илет. Иртнӗ çулта республикăра пурӗ 3220 вырăнлăх 17 çӗнӗ ача сачӗ тунă, çав шутра 13-шне - «Демографи» наци проекчӗпе.