Тутарстанри чӑвашсен чаплӑ уявӗ Олег Николаевсӑр иртрӗ

.Кӳршӗ республикӑн ҫӗнӗ Пуҫлӑхне Тутарстан ертӳҫисем Уява чӗнсе ҫыру янине эпир пӗлеттӗмӗр. Пире кун ҫинчен ТР Президент Аппарачӗн ӗҫченӗсем пӗлтернӗччӗ.

Михаил Игнатьев Уявра икӗ хут пулнӑччӗ, хальхинче культура министрӗ Светлана Каликова ҫеҫ килнӗ. Олег Алексеевича мӗн кансӗрленӗ-ши пирӗн пата хӑнана килме?
Ку ыйту ҫине Чӑваш Наци Конгресӗн вице-президенчӗ Тимӗр Тяпкин хуравларӗ.
– Правительствори ҫӑлкуҫсене ҫывӑх электронлӑ хыпар хатӗрӗсенчен пӗри пӗлтернӗ тӑрӑх, Олег Николаевӑн мӑшӑрӗ коронавирус ертнӗ. Ҫавна пула Чӑваш Республикин Пуҫлӑхӗ самоизоляцире. Ҫакна пулах пирӗн республикӑна килме палӑртнӑ РФ Президенчӗн Атӑлҫи округӗнче полномочиллӗ представителӗн Комаровӑн визитне те урӑх вӑхӑта куҫарма тивнӗ. Олег Николаев хӑй хӑрушӑ чире ертмен, – терӗ вице-президент.