Тутарстанри шкулсенче батарейкӑсем пуҫтарассипе конкурс пырать

"Батарейкӑсене хисеплеме вӗрентӳ учрежденийӗсенчи яваплӑ ҫынсен ятарлӑ таблицӑсене тултарса ТР Экологи министерствин территорири управленийӗн специалисчӗсене памалла. Конкурс ноябрь уйӑхӗччен пырать",– тесе ӑнлантарнӑ ҫутҫанталӑка хӳтӗлекенсен ведомствинче.

Батарейкӑсене шкулсенчен регионри операторсемпе экологсем 2021 ҫулхи декабрьте илсе кайӗҫ.

Ҫӗнтерекенсене 2022 ҫулхи июнь уйӑхӗнче "Экоҫуркунне" акци вӑхӑтӗнче чыслаҫҫӗ.

Шкул ачисем тата вӗсен ашшӗ-амӑшӗсем тӑрӑшнипе 2019-2021 ҫулсенче 73 тонна батарейка пуҫтарнӑ.