Ҫула хӑш вӑхӑтра юсасси хӑҫан укҫа ҫитнинчен килет пулмалла

 Нацпроектпа кӑҫал Тутарстанра 8,2 млрд тенкӗлӗх ҫулсене юсӗҫ. Хӗл киличчен, тен, кӗтмелле те пулман-тӑр та, ҫапах пирӗн редакцине ҫитнӗ информаци тӑрӑх, республикӑра 254 километр ҫул юсама палӑртнӑ.
2020 ҫулта "Хӑрушлӑхсӑр тата паха автоҫулсем" наци проекчӗпе регион пӗлтерӗшӗллӗ 64 км ҫула, Хусан агломерацийӗнчи 106 км ҫула, Ҫырчалли тавралӑхӗнчи 77 км ҫула, Анат Кама тӑрӑхӗнчи 2 км ҫул юсама палӑртнӑ.

Ҫак юсава пула норматив требованийӗсене тивӗҫтерекен регион ҫулӗсем 47 процента ҫитӗҫ, нормӑна тивӗҫтерекен хулари агломерацисен ҫулӗсем 81 процента ҫитӗҫ.