Ҫулсем пӑрлӑ, асӑрхануллӑ пулӑр
Каҫпа та, кӑнтӑрла та сывлӑш температури -2,-7 градус таран пулӗ
Паян Тутарстанра 7 градус таран сивӗ пулать
Февралӗн 1-мӗшӗ пире ҫемҫе ҫанталӑкпа кӗтсе илет. Тӳпе пӗлӗтлӗ пулать, кӑнтӑрла вӑхӑчӗ-вӑхӑчӗпе уяртса илме пултарать. Ҫӗрле тата ирхи сехетсенсе выранӗ-вырӑнӗпе нумай мар юр ҫӑвӗ. Хӑш-пӗр районсенче тӑман тухма пултарать. Кӑнтӑрла юр ҫумалла мар.
Синоптиксем кӑнтар-хӗвелтухӑҫ енчен вӗрекен ҫил пирки пӗлтереҫҫӗ, каҫпа тата ирхине вӑл ҫеккунтра 18-23 метра таран вӑйланма пултарать. Ҫулсем ҫинче вӑйлӑ пӑрлак йӗркеленет. Асӑрхануллӑ пулӑр.
Каҫпа та, кӑнтӑрла та сывлӑш температури -2,-7 градус таран пулӗ.
Следите за самым важным и интересным в Telegram-каналеТатмедиа
Нет комментариев