Ҫулсем пӑрлӑ, юр хӗвет, асӑрхануллӑ пулӑр

Ноябрӗн 23-мӗшӗнче Тутарстан Республикин территорийӗнче сывлӑш температури -7 градуса ҫитет, вырӑнӗ-вырӑнӗпе йӗпе юр ҫӑвать, тӑман тустарать, вӑйлӑ пӑрлак пулать. Ҫил хӑвӑртлӑхӗ ҫеккунтра 20 метра ҫитет. 

Йывӑр метеорологи лару-тӑрӑвӗнче транспорт хатӗрӗсен водителӗсем ҫулпа пыма юранӑ чи пысӑк хӑвӑртлӑха суйласа илмелле мар, хӑрушсӑрлӑхлӑ хӑвӑртлӑхпа пымалла. 

Хирӗҫ пыракан транспорт ҫулӗ ҫине тухса хӑрушӑ маневрсем тӑвассинчен, теветкеллӗ вырӑнсенче пӗр-пӗринчен иртсе каяссинчен тытӑнса тӑмалла. 

Водителӗн те хӑрушсӑрлӑх пиҫиххипе ҫыхӑнмалла, пассажирӑн та. 

ТР Шалти ӗҫсен министерствин Патшалӑх автоинспекцийӗ ҫулпа ҫӳрес йӗркесене юрлӑ-пӑрлӑ вӑхӑтра ҫирӗп пӑхӑнасса шанса тӑрать, ҫулпа ҫӳрекенсене питӗ тимлӗ тата асӑрхӑнуллӑ пулма ыйтать.