Ҫулсем тӑвӑнаҫҫӗ, кӗперсем юсанаҫҫӗ

Тутарстанра кӑҫал пурӗ 1,7 пин километр ҫула тунӑ, юсанӑ, реконструкциленӗ. Ҫак шутра 433 километр регион пӗлтерӗшӗллӗ ҫулсем.
Ҫакӑн ҫинчен ТР транспорт тата ҫул-йӗр хуҫалӑхӗн министрӗ Фарит Ханифов пӗлтернӗ.
"Кӑҫал пурӗ 721 муниципаллӑ ҫула тунӑ тата юсанӑ. Эпир кунта картишсене те шута илетпӗр. Енчен те 2,6 млн тваткал метра 7 метр сарлакӑшлӑ ҫула пӳлсен, унӑн тӑршшӗ 370 километр пулать",– тесе каланӑ министерство ертӳҫи журналистсене.
Ҫулталӑкра Тутарстанра пурӗ 61,76 километр регион ҫулӗсене, 4 путепровода, 13 кӗпере туса реконструкциленӗ. Регион пӗлтерӗшӗллӗ 371 км ҫула юсанӑ тата 6 кӗпере.