Уроксенче чӑваш культурипе паллаштаракан шкулта икӗ хутчен мина шыранӑ

Уроксем вӑхӑтӗнче усаллӑн шӳтлекенсем вӗренӳ заведенийӗнче бомба пур тесе шӑнкравлаҫҫӗ иккен. Пине яхӑн лицеист тата вӗрентекен саперсемпе кинологсем тӗрӗслев ирттернӗ вӑхӑтра урамра 4-шар сехет кӗтсе тӑнӑ. 

Пӗрремӗш эвакуаци мартӑн 16-мӗшӗнче пулнӑ, тепри – паян. Малтан лицейра сирпӗнекен хатӗр пурри ҫинчен калакан пӗлтерӳ электронлӑ почта ҫине килнӗ пулнӑ, хальхинче шӑнӑкавласа пӗлтернӗ.

Ҫав вӑхӑтра 177-мӗш лицейра Тӑван чӗлхесен тата халӑхсен пӗрлӗхӗн ҫулталӑкне халалласа 4-мӗш В класра чӑваш культурин урокӗсем иртеҫҫӗ. Январь уйӑхӗнче ачасем "Сурхурипе" паллашнӑ, мартра "Ҫӑварнипе". Уҫӑ уроксене ирттерме педагогсене вӗрентӳ ветеранӗ Нина Малышева пулӑшать.