Усламçăсем пӗчӗк ставкăпа микрозаемсем илме пултараççӗ

Инфляци хăвăрт чакса пынине кура Раççей Банкӗ тӗп ставкăна 6 процента çити чакарнă.
Тӗп ставка чакнипе ТР Экономика министерстви усламçăсене парăнакан микрозаймсен ставкине 6% чакарнă. Çак заема 6 процентпа куçман пурлăхне салука хурсан иртсе пыракан социаллă тата экономика аталанăвӗн территорийӗсен, уйрăм экономика зонисен, индустриаллă, агропромышленность паркӗсен, технопарксен, бизнес-инкубаторсен резиденчӗсем, бизнесра 50 процентран кая мар пайлă хӗрарăм-усламçăсем, пӗр çулталăк та ӗçлесе ӗлкӗреймен 45 çултан аслăрах предпринимательсем илме пултараççӗ.  
Унсăр пуçне пӗчӗк ставкăллă микрозаймсене ял-хуçалăх, производствопа потребительсен кооперативӗсем тата туризм, экологи, спорт сферисенче услам илсе пыракан пӗчӗк, вăтам предпринимательство субъекчӗсем илме пултараççӗ.