Сувар

Уявра аслисем чи малтан сӑмах калаҫҫӗ

Уява ӗмӗртен ӗмӗре ирттерсе пыни – пирӗн халӑхӑн пуян ӑс-хакӑл еткерӗ ӑруран ӑрӑва куҫса пынине пӗлтерет.

  Чӑвашсен хушшинче пысӑк мешехесенче малтан чи аслине сӑмах парас йӑла пур. Унӑн пилӗпе пуҫланать те уяв. Тутарстанри черетлӗ Уяв кӑҫал онлайн-меслетпе кӑна иртет.​ Тутарстанри ЧНКА ятӗнчен унта хутшӑнакансене пирӗн хушӑри чи аслӑ та сумлӑ ҫын, Чӑваш наци конгресӗн Аслӑ Канашӗн пайташӗ Анатолий Самаренкин саламларӗ. Ун сӑмахӗсем ҫӗр хӑвӑлне савӑл ҫапса кӗртнин вырӑнне пулччӑр.

"Хисеплӗ юлташсем, тӑвансем!
Сире пурсӑра та Уяв ҫитнӗ ятпа саламлатпӑр!
Авалхи йӑласене тытса пыни пире, чӑвашсене, хавхалантарать, ӑрусем хушшинчи ҫыхӑнава малалла тӑсма хушать.
Шӑпа пӳрнипе эпир Раҫҫейӗн тӗрлӗ регионӗсене саланнӑ, анчах та пире, чӑвашсене, хамӑр халӑхӑн йӑлисем пӗрлештерсе тӑраҫҫӗ. Вӗсенчен чи пӗлтерӗшлисенчен пӗри – Уяв.
Тутарстан Республикин ертӳҫисем пулӑшнипе, Вырӑссен "Каравонӗ", тутарсен "Сабантуйӗ" тата ытти халӑх праҫникӗсемпе пӗрле чӑвашсен "Уявӗ" нумай нациллӗ Тутарстан культурине илемлетет.
Пирӗн республикӑра ирттерекен "Уява" Чӑваш наци конгресӗ тӗрев пачӗ, ҫулсем иртнӗҫемӗн вӑл Пӗтӗмраҫҫейри чӑваш уявне ҫаврӑнчӗ.
Уява ӗмӗртен ӗмӗре ирттерсе пыни – пирӗн халӑхӑн пуян ӑс-хакӑл еткерӗ ӑруран ӑрӑва куҫса пынине пӗлтерет. Унран эпир вӑй-хал илетпӗр, вӑл хавхалану ҫӑлкуҫӗ, чӑвашсен пуян культурин тӗкӗрӗ.
Ҫак кун Тутарстанри Чӑваш наципе культура автономийӗ ятӗнчен Уява онлайн меслетпе хутшӑнакан мӗн пур ҫынна саламлатпӑр. Сире пурне те вӑй-хӑват, телей, ӑнӑҫу сунатпӑр. Тепӗр Уявччен сывлӑхпа ҫӳремелле пултӑр!"

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: