Сувар

Валентин Урташа Раккасси ялӗн хисеплӗ гражданинӗ тунӑ

Ял историйӗнче пӗрремӗш хут «Раккасси ялӗн хисеплӗ гражданинӗ» ят пани ҫӗнӗлӗх пулсан та, пуриншӗн те кӑсӑклӑ пулчӗ

Вунӑ ҫул каялла  Валентин Урташ ячӗпе преми йӗркелени  ялта хӑйне майлӑ ырӑ пулӑм ҫуратать.  Паллӑ таврапӗлӳҫӗ, ҫыравҫӑ тата тӗпчевҫӗ А. М. Малышев ертсе пыракан комисси  кӑҫал лауреат ятне тата премие А.Г. Дмитриева, Н.М.Дворова, Н.Т.Зимина, А.С. Никонорована тата А. А. Тимофеева  пама йышӑннӑ. Сумлӑ наградӑна тата лауреат паллисене Раккасси ялӗн 295 ҫуллӑхне уявланӑ чухне пачӗҫ. Пӑва районӗнчи Чӑваш наципе культура центрне ертсе пыракан В.А.Ильин премисене панӑ май, залра ларакансем паллӑ поэт-юрӑҫ ятне ялан асра тытни тата лауреатсене тивӗҫипе чыслани ырӑ пулӑм пулнине хавхаланса палӑртрӗҫ.
Ял историйӗнче пӗрремӗш хут «Раккасси ялӗн хисеплӗ гражданинӗ» ят пани ҫӗнӗлӗх пулсан та, пуриншӗн те кӑсӑклӑ пулчӗ. Ҫак  ята пӗр вӑхӑтрах виҫҫӗн: Валентин Урташ поэт-юрӑҫ (вилнӗ хыҫҫӑн), Анатолий Тимофеев журналист тата республикипех паллӑ Василий Павлов  механизатор тивӗҫрӗҫ.
Ял ҫыннисемпе хӑнасем клуб директорне, нумай Хисеп хучӗсене тивӗҫнӗ Наталия Ракова пултарулӑхне уйрӑммӑн палӑртрӗҫ. Вӑл пуҫарнипе тата йӗркеленипе халӑх умӗнче пуян программӑпа ялти, районти илемлӗ пултарулӑх ушкӑнӗсем кӑна мар, Шупашкар районӗнченех килсе ҫитнӗ «Уяв» ансамбль халӑха тарӑн шухӑшлӑ, чуна тыткӑнлакан юрӑ-сӑвӑсемпе тата ташӑсемпе савӑнтарчӗҫ.

Нравится
Поделиться:
Реклама
Комментарии (2)
Осталось символов:
  • 2 января 2020 - 22:48
    Без имени
    Раккассине 295 ç.тесе кăштах тăхтасан аванрах пулĕ тесе шутлакансем пулчĕç уявра.
  • 2 января 2020 - 22:40
    Без имени
    ЧРтан килнĕ хăнасем "Телей" ятлă