Валери Туркай Нальчикра чăвашла сăвă вуланă

Кайсын Кулиев совет балкар поэчӗ, прозаикӗ, журналист, çар корреспонденчӗ. Кабарда-Балкар АССРӗн халăх поэчӗ (1967), Ленин премийӗн лауреачӗ, СССР Патшалăх премийӗн лауреачӗ, М.Горький ячӗллӗ РСФСР Патшалăх премийӗн лауреачӗ. Унăн произведенийӗсене тӗнчери 140 чӗлхене куçарнă, кӗнекисене Европа, Ази, Америка çӗршывӗсенче кăларнă. Пӗр авкă вăхăт Кайсын Кулиев Шупашкарта пурăннă, унти госпитальте сипленнӗ. Чăваш Республикин шӗкӗр хулинче К.Кулиева асăнса уçнă мрамор плита та пур. 
Нальчикри тӗлпулăва чăваш халăх поэчӗ Валери Туркай та хутшăннă. Вăл чăваш космонавчӗ Андриян Николаев Нальчикăн хисеплӗ гражданинӗ пулнине аса илтернӗ, Махачкалари 59-мӗш шкула пирӗн ентеш ятне панă. 
Валери Туркай чăвашсем балкарсен икӗ поэчӗн кӗнекине тăван чӗлхене куçарни çинчен каласа панă. Шупашкарти Кайсын Кулиевăн асăну хăми чечексӗр тăмасть. Чăваш халăх поэчӗ Кайсын Кулиевăн сăввине авалхи пăлхарсен чӗлхипе вуласа панă хыççăн зал темӗнччен алă çупнă.