Сувар

Вилеслӗхе чакарма чирлеслӗхе чакарсан тин пулать

Лейла Фазлеева ертсе пыракан Коронавирус инфекцийӗпе кӗрешекен оперативлă штаб журналистсемпе тӗлпулма пӗтӗм йышӗпех килсе çитрӗ. Акă мӗн пӗлтерчӗç чиновниксем.  

Октябрӗн 30-мӗшӗнчен пуҫласа ноябрӗн 7-мӗшӗччен Тутарстанра 60-тан иртнӗ ҫынсен, енчен те вӗсем коронавирусран прививка туман е юлашки ҫур ҫулта ковидпа чирлесе ирттермен пулсан, самоизоляцине кайма тивет. Раççей Президенчӗ 65-рен иртнисене кăна килте ларма хушнăччӗ. Пирӗн республикăра лару-тăру кăткăсрах.

Ҫак вӑхӑт хушшинче концертсемпе спектакльсене куар-кодпа анчах кӗртеҫҫӗ, çынсен ытларах килте лармалла пулать. Мӗншӗн тесен асăннă вăхăт хутлăхӗнче 150 метртан пысăкрах лавккасене те куар-кодпа кӗмелле тăваççӗ. Пысӑк суту-илӳ центрӗсене ҫул ҫитмен ачасене ашшӗ-амӑшӗсемсӗр вуççех те кӗртмӗç. Каникулсен вăхăтӗнче шкул çумӗнчи лагерьсем тата пионерлагерьсем çаплипех ӗçлӗç.  
ТР Сывлăх сыхлав министрӗн Марат Садыковăн сăмахӗсемпе вилеслӗхе чакарма чирлеслӗхе чакарсан тин пулать. Ковид-госпитальсенче 17 пин медработник ӗҫлет, ковид-пациентсем валли уйӑрнӑ 7,5 пин койкӑран 9,5 % проценчӗ ҫеҫ пушӑ.
Пӗтӗмӗшле прививка тӑвассипе плана 61,4 % тултарнӑ. Ку кӑтартупа Тутарстан ҫӗршывра 2-мӗш вырӑнта тӑрать.

Усламҫӑсене аренда тӳлевӗ хӗстерет. Услам лаптӑкӗсене патшалӑхран тара илнӗ пулсан, тӳлевсене чакарма пулать, чакараҫҫӗ те. Льготӑллӑ кредитсем пама та шантараҫҫӗ.

Суя куар-кодсемпе йӗрке хуралҫисене 41 ҫын ҫакланнӑ. Уголовнӑй кодексӗн 327 статйин 5-мӗш пункчӗпе килӗшӳллӗн, ҫынна 6 уйӑх таранччен хупса хума пултараҫҫӗ.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: