Сувар

Вилнӗ пулмалла пирӗн çырулăх ăна палăк лартма шутлаççӗ пулсан

Çӗршывăн мухтавлă ывăлӗ-хӗрӗсене вилнӗ хыççăн тăван çӗршывӗнче палăк лартасси ӗлӗкрен пырать. Пирӗн кăна мар ун пек йăла, пӗтӗм тӗнчийӗпе

Сăмах парăр!

Пирӗн çырулăх – пӗлӳсӗрлӗх пӗвине татса халăха çутта кăларчӗ. Мухтавлă ӗçӗсем – томӗ-томӗпе çырăннă. Шухăша каятăп та, тăван çырулăхăмăрăн лару-тăрăвӗ хальхи вăхăтра еплерех пулнине шута илсен, чăн та, чăваш саспаллийӗсене палăк лартасси çеç юлчӗ.

Компьютера кӗртеймерӗмӗр. Унта пулма Майкрасофта питӗ нумай укçа тӳлемелле терӗç. Сайтсенче мӗнле чăвашла çырнине курсан макăрас килет. Компьютерсенче усă курма халӗ те официаллă клавиатура çук. Мăшкăл.

Эпир çырулăха хамăрпа пӗрле çӗнӗ ӗмӗре илсе кӗреймерӗмӗр. Мӗншӗн тӗрлӗрен лицензиллӗ мар программăсене шырамалла ăна компьютера лартас тесен? Мӗншӗн телефонра чăвашла çырма кирлӗ пек, меллӗ клавиатура çук? Акăлчан раскладки урлă е тата ытти меслетпе çырмалла? Приложенипе те ссылкăсемпе ӗçлени – мелсӗр. Мӗншӗн чăваш патшалăхӗ кун пирки шухăшламасть? Ма шутласа кăларнă чăваш алфавитне 150 çул каялла?

Вилнӗ пулмалла пирӗн çырулăх ăна палăк лартма шутлаççӗ пулсан. Апла-тăк, тӗрӗс лартаççӗ, çуралнă çӗрӗнче. Вăхăт çитнӗ ахăр. Пурпӗр чунра аван мар...

 

Геннадий Сидияр

Анат Кама.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: