Сувар

г. Казань

18+
2024 - год Семьи
Çӗнӗ хыпарсем

ВИТАЛИЙ ЕЛТОВ ÇУРАЛНĂРАНПА 80 ÇУЛ

Паян, октябрӗн 8-мӗшӗнче, «Сувар» хаçатра нумай çул тăрăшса ӗçленӗ В.Ф.Елтов пурăннă пулсан 80 çул тултарнă пулӗччӗ. Шел, ӗçтешӗмӗр 2019 çулта пирӗнтен ӗмӗрлӗхех уйрăлса кайрӗ. Пурăнмалла та пурăнмаллаччӗ-ха унăн...

Аксу районӗнчи Аслă Сӗнчел ялӗнче çуралнăскер, хăйӗн ентешӗсем пирки нумай çыратчӗ хаçата. Чистайри юханшыв транспорчӗн училищине пӗтерсе рулевой-моторист, слесарь специальноçӗсене алла илнӗскер малтан хăйӗн специальноçӗпе ӗçленӗ. 1968 çулта вара Аксу районӗн «Ял пурнăçӗ» хаçатӗнче ӗçлеме пуçланă. Çавăн чухнех калавсем çырма тытăннă.
1974 çулта Виталий Филимонович çемйипе Хусана пурăнма куçнă. 1993 çулта «Сувар» хаçат уçăлсан ăна редакци штатне илнӗ. Çӗнӗ хаçата республикăри чăвашсен хушшинче сарас тӗлӗшпе нумай вăй хучӗ вăл. Корреспондентра, тӗп редактор çумӗнче тăрăшрӗ. Тивӗçлӗ канăва тухсан вăрăмрах калавсем, повеçсем çырма пуçларӗ. Икӗ кӗнеке авторӗ.
Эпир, «Сувар» хаçатра ӗçлекенсем, Виталий Филимоновича яланах ырăпа аса илетпӗр. Вăл пире – иртнӗ ӗмӗр вӗçӗнче, 2000-мӗш çулсен пуçламăшӗнче редакцие ӗçлеме килнӗ çамрăксене – хаçат ӗçне алла илме нумай вӗрентрӗ. Шӳтлеме юрататчӗ аслă юлташăмăр, темле сӳрӗк кăмăла та çӗклеме пӗлетчӗ. Хăй тивӗçлӗ канăва тухса редакцире ӗçлеме пăрахсан та пирӗнпе çыхăну тытсах тăратчӗ, çӗнӗ хайлавӗсене ярса паратчӗ. Унăн хавхалантаракан ырă сăмахӗсем, эх, мӗнле çитмеççӗ халь пире. Çак юбилейлă кун ентешӗмӗре, хисеплӗ ӗçтешӗмӗре аса илсе унăн «Эпӗ арçын» калавне пичетлетпӗр.
Редакци.
Редакци архивӗнчи сăнӳкерчӗк.

 

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев