Владимир Путина тата Кирилл патриарха Турӑ Амӑшӗн Хусан турӑшӗн соборне уҫма чӗннӗ

Кӑҫал ҫулла Большая Красная урамӗнчи пысӑк стройка вӗҫленмелле. Ӑна уҫма тутарстансем ҫӗршыв ертӳҫине кӗтеҫҫӗ. 

Ҫакӑн ҫинчен Хусан тата Тутарстан митрополичӗ Кирилл Тутарстан Президенчӗпе Рустам Минниханова тӗлпулнӑ чухне калаҫнӑ, тесе пӗлтерет Хусан епархийӗн пресс-служби. 

"Кӑҫал июль уйӑхӗнче собора светить туса чаплӑ лару-тӑрура уҫма палӑртнӑ, унта Раҫҫей Президенчӗпе Кирилл патриарха чӗннӗ. Патриарх кӑҫал Хусана килме шантарчӗ. Ун ҫинчен вӑл мана кунта яна чухнех каласа хучӗ", – тесе пӗлтернӗ Тутарстан митрополичӗ Кирилл.