Хӗл Мучин юмахри поездне Çырчаллинче вунă пин çын кӗтме тухнă

Уяв программине «Энергетик» Культура керменӗнче, «Шатлык» çамрăксен центрӗнче, вырăнти циркра ӗçлекен пултарулăх ушкăнӗсемпе солистсем хутшăннă. 
Хӗл Мучипе тӗлпулăва килнӗ çынсем унăн уяв çуттисемпе капăрлантă поездӗнче вырнаçнă куçса çӳрекен резиденцийӗнче пулса курма тăрăшнă. Унта вӗт мӗн кăна çук: вăйăсемпе квестсем ирттермелли вагонсем, ачасене йышăнмалли пӳлӗм, поварсем çурçӗрти апат-çимӗçе хатӗрлесе хăналакан ресторан-вагон тата ытти те.