Хусан историйӗ. Тӗпчемелли тупăнсах пырать

Хусанти Кави Наджми тата Александр Островский урамӗсем хӗресленнӗ çӗрте пуçарнă юсав ӗçӗсене хула историйӗ чарса тăратнă

Мӗнле майпа? Строительсем закона пăсман-çке?
Асфальт чавнă май авалхи чиркӳ юлашкине пырса лекнӗ иккен. Вахитов тата Атăлçи районӗсен администрацийӗсем кун пирки хулан манăçа тухнă историйӗн пӗр пайӗ пулӗ тесе шухăша кайнă. «1676 çулта туса лартнă Турă Çӗкленнин (Вознесение Господне) чиркӗвӗн никӗсӗ пулӗ. Ăна 1932 çулта хупнă», — тесе пӗлтернӗ пресс-службăран.
Çуртăн юлашкийӗсене тупнă вырăнта халь археологсем ӗçлеççӗ.

Сăнӳкерчӗк kzn.ru сайтран.