Яла çӗклеме Иван Иванович Казанков пулăшрӗ
Элкел районӗнчи Сиктӗрме-Хусанкай ялне Тутарстанра питӗ лайăх пӗлеççӗ. Кунта çын валли ӗç те, пурăнма çурт та, сипленме хуларинчен кая мар больница та, вӗренме хăтлă шкул та – йăлтах пур. Хăв кăна ан ӳркен. Ытти тăрăхра çамрăк çемьесен шучӗ чакса пырать пулсан, кунта ӳсет. Çаксем пурте йăлтах пӗр çын – Сиктӗрме-Хусанкайӗнчен тухнă Иван Казанков тăрăшнипе пулнă. Хăй вăл Марий Элти Звениговăра пурăнать, унта йӗркелесе янă совхоз вара Раççей шайӗнче кӗрлесе тăрать.
Элкел районӗнчи Сиктӗрме-Хусанкай ялне юлашки вăхăтра республикипех аван пӗлеççӗ. Халӗ кунта, икӗ çырма хушшинче, кив ял çумӗнче çамрăксен çӗнӗ поселокӗ, çӗнӗ вăтам шкул, 40 ачалăх ача сачӗ, П.П.Хусанкай музейӗ, аш-какайпа сӗт комплексӗсем, районсен хушшинчи куç хирургийӗн центрӗ, Çветтуй Николай Угодник ячӗллӗ илемлӗ чиркӳ, пекарня, арман, çу уçлакан цех, сӗтпе сыр завочӗ, мехмастерской, комбикорм завочӗ, выльăх пусакан çурт, тырă типӗтекен комплекс, тырă упракан складсем, столовăй, кантур çурчӗ, ӗшне, пӗвесем, асфальтлă çулсем яла илем кӳреççӗ. Яла çӗклеме пире кунтах çуралса ӳснӗ, Сиктӗрмен хисеплӗ гражданинӗ Иван Иванович Казанков пулăшрӗ.
Марий Эл Республикинче вырнаçнă «Звениговский» аш-какай комбинатне ертсе пыракан Иван Иванович Казанкова, тăван яла чунтан юратакана, хисеплекене, чăн-чăн патриота, ялшăн нумай тăрăшакана эпир чӗререн тав тăватпăр, çирӗп сывлăх, малашне те тухăçлă ӗçлеме ăнăçу сунатпăр. Иван Ивановичăн ырă ӗçӗсене нихăçан та манмăпăр эпир.
Виктор ГЛУХОВ.
Элкел районӗ,
Сиктӗрме-Хусанкай.
Автор сăнӳкерчӗкӗнче Иван Иванович Казанков.
Следите за самым важным и интересным в Telegram-канале Татмедиа
