Яш-кӗрӗмпе диалог йӗркелеме ҫӑмӑл мар

Ҫакӑн ҫинчен паян ТР Ҫамрӑксен министерствин пӗтӗмлетӳ коллегийӗнче пӗлтерчӗ. Отчет, Паллах, цифрӑсемпе, слайдсемпе, роликсемпе пуянччӗ. 

Ун сӑмахӗсемпе, Тутарстан "Раҫҫей ҫамрӑкӗсем" программӑна хатӗрлемелли база пулса тӑма пултарать. Пӗлтӗр Пӗтӗмраҫҫей шайӗнче ҫамрӑксем ҫинчен калакан закона йышӑннӑ хыҫҫӑн "Раҫҫей ҫамрӑкӗсем" федераллӑ программӑна ӗҫе кӗртмелле. Тутарстан ӑна хатӗрлекен никӗсри регион пулма хатӗр.

Министр сӑмахӗсемпе, ҫамрӑксем ҫинчен калакан закон ҫамрӑксен политикине пурнӑҫа кӗртекен учрежденисем валли пӗрлехи норматив базине туса хума пулӑшать. 

Программӑри тепӗр утӑм финансировани пулмалла, ҫав шутра инфраструктурӑна аталантарма та.

Ҫамрӑксен министерствин тунӑ ҫитӗнӳсем, уйӑрнӑ пысӑк укҫа – ку йӑлтах аван, анчах нумай пулмасть Тутарстанри пысӑк хуласенче чарусӑр ҫамрӑксем ирттернӗ хирӗҫлев акцийӗсем ведомство яш-кӗрӗме ертсе пырать ӗҫре ӗҫлесе ҫитерейменнине кӑтартрӗ. 

Дамир Фаттахов сӑмахӗсемпе, санкциленмен акцисем обществопа политика ыйтӑвӗсемпе влаҫпа ҫамрӑксем хушшинчи диалог валли вырӑнсем ҫитменнине кӑтартнӑ. 

"Юлашки икӗ эрнери пулӑмсем обществопа политика ыйтӑвӗсемпе уҫӑ калаҫу дефицичӗ пулнине кӑтартрӗҫ тата алтернативлӑ шухӑша аргументсемпе хӳтӗлекен ҫамрӑк ҫынсем ҫитменнине",– тесе палӑртрӗ министр. 

Ун сӑмахӗсемпе, пур площадкӑсене кирек хӑш ҫамрӑк ҫыншӑн та уҫӑрах тумалла. Тутарстанра влаҫпа ҫамрӑксем хушшинчи диалог валли площадкӑсем тӑвас ыйтӑва Дамир Фаттахов Хусанта январӗн 23-мӗшӗнче иртнӗ санкциленмен митинга тухнӑ ҫамрӑксемпе те сӳтсе явнӑ. Январӗн 31-мӗшӗнче хӑй те хирӗҫлев акцине тухнӑ ҫынсем патне пырса калаҫнӑ. 

Анчах яш-кӗрӗмпе тавлашнӑ чух конструктивлӑх патне тӳрех ҫывхарма ҫук. Ҫапах республикӑри Ҫамрӑксен ӗҫӗсен министерстви пур ҫамрӑк валли те уҫӑ пулса усӑ кӳме хатӗррине министр хӑй палӑртать. 

"Ҫамрӑксемсӗр ҫамрӑксем валли нимӗн те" принцип ведомство ӗҫӗнче тӗп вырӑн йышӑнать.