Ҫырчалли спортсменӗсем Дакарта малта пыраҫҫӗ

Дмитрий Сотников пилот ертсе пыракан «КАМАЗ» паян "Дакар" раллин 4-мӗш тапхӑрӗнче автоподкачка пулӑшнипе ҫӗнтерме пултарнӑ.

"Йӗркелекенсем хӑвӑрт спецучасток пулать тесе шантарчӗҫ. Дюнӑсен секцийӗ пысӑках марччӗ – пурӗ 23 километр кӑна. Паян навигация кунӗ пулчӗ теме те пулать: хӑвӑрт ҫулсем, ҫырмасем, ҫул юпписем. 80-мӗш километрта урӑх ҫырмана кӗрсе кайрӑмӑр, кӑштах курспа йӑнӑшнипе. Ҫапах хамӑр трек ҫине тухрӑмӑрах. Икӗ минута яхӑн ҫухатрӑмӑр. 

100-мӗш километрта кустӑрмана шӑтартӑмӑр, финиша ҫити подкачкӑпа усӑ курса ҫитрӗмӗр. 

Пысӑк хӑвӑртлӑх тытса пытӑмӑр, мотоциклсемпе джипсенчен иртсе кайрӑмӑр. Тапхӑр вӗҫӗнче каньонсемпе тусем хушшинчи арпаштаракан трекпа пымаллаччӗ, ҫапах эпир тӗрӗс ҫул тупса ҫӗмӗрӗлмесӗр финиша ҫитрӗмӗр", – тесе цитатӑлать спортсменсене «КАМАЗ-мастер» командӑн официаллӑ сайчӗ.