Сувар

Ҫырӑнтару - 2022: «СУВАРА» КАШНИ ЧĂВАШ ÇЕМЙИ ВУЛАТĂР

Нумай пулмасть «Сувар» хаçата 2021 çулăн 2-мӗш çур çулӗ валли çырăннисен хушшинче ирттернӗ черетлӗ акцие пӗтӗмлетрӗç. Çӗнтерекенсем тивӗçнӗ парнесене илчӗç. Мана та Александр Савельев-Сасăн «Симӗс шăлавар» кулăшла калавсен кӗнеки тухрӗ

​Редакци ӗçченӗсене вулакансем валли ялан тӗрлӗ конкурссем ирттернӗшӗн чӗререн тав тăвас килет. Çырас ăсталăхăр ан иксӗлтӗр, çӗнӗ хыпарсемпе савăнтарсах тăрăр пире. Малашне те çыравçăсен çӗнӗ калавӗсемпе, сăввисемпе паллаштарсах пырăр.
Кашни эрнекуна тăвана кӗтнӗ пек кӗтсе тăратăн, мӗншӗн тесен çак кун хаçат пичетрен тухать. Çыхăну уйрăмӗсенчи почтальонсем вара хаçат-журнала валеçме вулакан патне васкаççӗ.
Çырăнтару тапхăрӗ пынă май, пур ентешсене те чăвашла тухакан хаçата çырăнма сӗнес килет. Кашни чăваш çемйинче пултăр юратнă «Сувар». Чăваш чӗлхи ан манăçтăр, хаçата ытларах та ытларах çырăнса илччӗр.
Чăвашла вулар, чăваш пулар!
Юрий АДЪЮТАНТОВ.
Çӗпрел районӗ,
Çӗнӗ Упи.

Редакцирен: Тавах сире, Юрий, ырă сăмахăрсемшӗн! Редакци ӗçне çапла пысăка хурса хакланăшăн чӗререн тав сире! Эсир «Суварăн» кулленхи вулаканӗ, вырăнти мероприятисем пирки те çырса пӗлтерсех тăратăр хаçатра. Çакăншăн та тав тăватпăр сире. Малашне те «Суварпа» туслă çыхăну тытасса шанса тăратпăр.
Хамăрăн ытти вулаканăмăрсене вара Юрий Васильевичран тӗслӗх илсе хаçата 2022 çулăн 1-мӗш çур çулӗ валли вăхăтлă çырăнма сӗнетпӗр.


«Сувар» индексӗ Тутарстанра – П2340, Раççейӗн ытти регионӗсенче – П7093.

 

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: