Ҫырӑнтарӑва декабрӗн 31-мӗшӗччен тӑснӑ

Хаклă вулаканăмăрсем! 2020 çулăн пӗрремӗш çур çулӗ валли пичет кăларăмӗсене çырăнтарас кампани вӗçлениччен нумай та вăхăт юлмарӗ. ​
«Сувар» хаçата кашни çыхăну уйрăмӗнчех çырăнса илме май пур. Çавăн пекех Раççей Почтин https://podpiska.pochta.ru сайчӗ урлă та çырăнма пулать. Тутарстанра республика шайӗнче тухса тăракан пӗртен-пӗр чăваш кăларăмӗсӗр пӗр чăваш çемйи те ан юлтăрччӗ.
«Сувар» çырăнакансен хушшинче ку çырăнтару кампанийӗнче те редакци квитанцисемпе шăпа ярса хаклă парнесем вылянтарать. Тӗп парне планшет пулать хальхинче. Ытти парнесем те унран япăх пулмӗç. Çавăнпа та, хисеплӗ вулакансем, «Сувара» 2020 çулăн 1-мӗш çур çулӗ валли çырăнăр та квитанцисене (е копийӗсене) редакцие ярса парăр. Хăвăрăн ятăр-хушаматăра, тулли адресăра, телефон номерне палăртма ан манăр. Квитанцисене почта урлă çырупа та, электронлă адреспа та яма юрать. Редакцие вулакансенчен кунсерен вун-вун квитанци килет, сирӗнне те кӗтетпӗр!
«Сувар» хаçат индексӗ Тутарстанра П2340, Раççейӗн ытти регионӗсенче П7093.