2026 – Вутлă Лаша çулӗ
Китай календарӗнче 2026 çул Вутлӑ Лаша паллипе иртет, вӑл февралӗн 17-мӗшӗнче пуçланӗ, 2027 çулхи февралӗн 5-мӗшӗччен пырӗ. Лаша çулӗ хӗрӳ туйӑм, хускану, хӑюллӑ шухӑшсемпе ӑраскаллӑ йышӑнусен вӑхӑчӗ пулма шантарать. Лаша – хӗвелтухӑç зодиакӗн ирӗклӗхе юратакан чӗрчунӗсенчен пӗри, вут-çулӑм стихийи ӑна хавхалану, чӑрсӑрлӑх тата кӗтмен япала хӗлхемӗ парать. 2026 çул – пӗр вырӑнта тӑма юраман çул. Йӑлтах улшӑнӗ: çынсем, лару-тӑру, çил те урăх енне вӗрме тытăнать. Çакӑн пек çулсенче лидерсем, художниксем, тӗпчевçӗсем, революционерсем çуралаççӗ. Сывлӑшра улшӑнусен вăйӗ хуçаланнине лӑпкӑн пурӑнакансем те сисӗç.
