Руслан Морозов: «Теттелле вылямастпăр вӗт – чăтмалла»
Аксу районӗнчи Аксу хула евӗрлӗ поселокӗн каччи Руслан Васильевич Морозов (1993 çулхи) ятарлă çар операцийӗнче 2022 çултанпа. Тулли мар мобилизацин иккӗмӗш тапхăрӗпе кайнăскер, пӗрремӗш кунранах мотострелоксен 430-мӗш полкӗн 2-мӗш батальонӗнче Кăнтăр Донецкпа Запорожье енче Тăван çӗршывăн интересӗсене хӳтӗлет. Çак вăхăтра I, II степеньлӗ «За храбрость», Суворов, Жуков, «За боевое отличие», I, II степеньлӗ «За доблесть», «За боевое Содружество», «Участнику СВО» медальсене тивӗçнӗ. Черетлӗ кӗске отпуска таврăннă БПЛА операторӗпе, аслă сержантпа пирӗн те калаçма май пулчӗ.
