Халӗ укçа пухни усăллăрах, кредит илме васкамалла мар

Тăкакӗсем вара вӗсен нумай: хăш-пӗр предприятисенче çынсен çитменнипе ӗç укçине ӳстерме тивнӗ, логистика, материалсем, оборудовани тата аренда хакланни те пысăк витӗм кӳнӗ. Çавна май февраль уйăхӗнче, январьпе танлаштарсан, смартфонсем, автомашина шинисем, сӗтел-пукансем, аш-какайпа пулă продукцийӗ, фитнес-центр абонеменчӗсем ытларах хакланнă.

Раççейре февраль уйăхӗнче инфляци ӳсни тавар туса кăларасси çынсем ыйтнине тивӗçтерсе пыманнипе те çыхăннă. Инфляци 2026 çул тӗлне 4 процент патне таврăнтăр тесен нумай вăхăт хушши экономикăн çӳллӗ ставкисене тытса пыма тивет. Çавна пула Раççей Банкӗ тӗп ставкăна 21 процент шайӗнче  тытса тăрать. Вкладсемпе кредитсем енӗпе те пысăк ставкăсем. Хальхи вăхăтра кредит илни усăллă мар. Тӗп ставка çынсене тăкаксене чакарма,  перекетлеме май парать, çакă инфляцие малалла ӳсме памасть.

Сăнӳкерчӗк «Татар-информ» ИА.