103 ял çутăсăр юлнă

Паян ирхине 8 сехетре пире «Сетевая компания» УАО диспетчерӗ Фомичев ӗнерхи вăйлă çумăра пула Пăва, Пӗкӗлме, Çӗпрел, Елабуга, Аксу, Чистай, Çарăмсан, Нурлат, Лениногорск, Элмет районӗсенчи 103 ял çутăсăр юлни çинчен хыпарларӗ, тесе пӗлтерет ТР МЧС пресс-служби.

Çутă линийӗсене юсама республикăри 59 юсав бригади, вырăнсенчи 10 пушарпа çăлав ушкăнӗ, пӗтӗмпе 157 çын, 77 техника, Раççей МЧСӗн 20 çынни тата 10 техники ирех пуçăннă. Çапла вара 10 сехет тӗлне Элмет, Аксу, Пӗкӗлме, Елабуга, Çарăмсан, Лайăш, Лениногорск, Нурлат, Спас районӗсенчи 59 ялти 1583 çурт, 13 фидер (6-10кВ линисем) тата 192 трансформатор подстанцийӗ кăна çутăсăр ларнă-мӗн.

Ăмăр çанталăк сиенлетнӗ электролинисене паянах юсаса районсенчи ялсене çутă парӗç. Çапах та метеорологсем вăйлă çумăрсем паян Елабуга, Тукай, Агрыз, Мамадыш, Анат Кама районӗсенче пулассине асăрхаттараççӗ.