15 талăка арестлеме те пултараççӗ
ТР ШӖМӗн Патшалăх автоинспекцийӗ автомобиль кӗленчисене тӗттӗмлетнин (тонировка) нормативӗсене граждансем пăхăннине тӗрӗслесех тăрать. Ку çулта ку енӗпе йӗркене пăснин 18 пин пулăмне тупса палăртнă, пӗлтерет Раççей ШӖМӗн Тутарстанри çул-йӗр хăрушсăрлăхӗн патшалăх инспекцийӗн управленийӗ. Кун кӗскелсе пынă тата тӗттӗм вăхăтра авари пулас хăрушлăх ӳснӗ май çак вăхăтра тӗрӗслев ӗçӗсене вăйлатаççӗ. Çавăнпа...
ТР ШӖМӗн Патшалăх автоинспекцийӗ автомобиль кӗленчисене тӗттӗмлетнин (тонировка) нормативӗсене граждансем пăхăннине тӗрӗслесех тăрать. Ку çулта ку енӗпе йӗркене пăснин 18 пин пулăмне тупса палăртнă, пӗлтерет Раççей ШӖМӗн Тутарстанри çул-йӗр хăрушсăрлăхӗн патшалăх инспекцийӗн управленийӗ.
Кун кӗскелсе пынă тата тӗттӗм вăхăтра авари пулас хăрушлăх ӳснӗ май çак вăхăтра тӗрӗслев ӗçӗсене вăйлатаççӗ. Çавăнпа та асăрхануллă пулăр. Кӗленчесене кирлинчен ытла тӗттӗмлетнӗ пулсан 500 тенкӗ тӳлемелле пулать. Регламент тăрăх, умӗнчипе (ветровой) аяккинчи (боковые) кӗленчесем çутта 70 процент таран кӗртмелле. ГИБДД сотрудникӗ йӗркене пăснине асăрхасан водителе тытса чарма пултарать. Енчен те нормативсемпе килсе тăман автомобильпе усă курма юраманнине пӗлтернӗ хыççăн та водитель йӗркене пăхăнма шутламасан, полицейскин ун пирки ӗç пуçарма ирӗк пур. Çакăн пек водителе 500 тенкӗрен пуçласа 1000 тенкӗ таран штраф тӳлеттерме е 15 талăка арестлеме пултараççӗ.
Патшалăх автоинспекцийӗ пурне те Çул-йӗр правилисене пăхăнма чӗнет, çул çинче тимлӗ те асăрхануллă пулма ыйтать.
Çул йăнăшнине каçармасть. Çавăнпа та шутлăр: мӗн сирӗншӗн хаклăрах - вырăсла каласан, «понты» е пурнăç? Кӗркунне çулталăкри чи тӗттӗм каçсем, çавăнпа тонировка кирлех те мар.
