Ачасене халалланă уяв

Республикăра июнӗн 1-мӗшӗнче М.Джалиль ячӗллӗ тутар академи оперăпа балет театрӗнче «Счастливое детство» хореографи ансамблӗ тата халăх ташшин çамрăксен «Кристалл» ансамблӗ Пӗтӗм тӗнчери ачасене хӳтӗлени кунне халалласа «Мечты сбываются» гала-концерт лартса параççӗ.

Çав хушăрах, концерта РФ тата ТР тивӗçлӗ культура ӗçченне, «Счастливое детство» ачасен центрӗн ертӳçине, «Счастливое детство» ансамблӗ йӗркелекенне Светлана Ишкузинăна та халалланă тесе пӗлтереççӗ мероприятийӗн организаторӗсем.

Уяв кунне ансамбльсем пысăк концерт программине хатӗрлеççӗ. Куракансене халăх ташшисем, хальхи хореографи композицисем тата ачасен хореографи кӗтет.