Ан çунтар!

Çуркунне çывхарнă май, пушар тухас тепӗр хăрушлăх ӳсет. Çӗр типсен çынсем тавралăха тасатнă май типнӗ курăка, çӳп-çапа çуртсем, çулсем çывăхӗнче çунтарма тытăнаççӗ, çереме вут чӗртеççӗ. 2015 çулта кӗркунне Раççейре пушара хирӗç режимăн çӗнӗ правилисене йышăннă. Унпа килӗшӳллӗн, типнӗ курăка çунтарма юрамасть. Енчен те çак правилăна пăхăнмасан, административлă явапсăр (250 пин тенкӗччен штраф) пуçне уголовнăй явап та тыттараççӗ. Ун чух вара 500 тенкӗ таранччен штраф тӳлеттереççӗ тата 10 çула ирӗкрен хăтараççӗ.
Çапла вара çӗнӗ правилăсемпе, çереме вут чӗртме, типнӗ курăка, çунтармалли-сӗрмелли хатӗрсене çунтарма, автоçулсем, чугун çулсем çывăхӗнче кăвайт чӗртме юрамасть.
Раççей Президенчӗн Ука­зӗпе килӗшӳллӗн, Экологи çулталăкӗнче март уйăхӗн 1-мӗшӗнчен Раççей территорийӗнче «Вăрмана упрăр» агитаци компанийӗ пуçланчӗ. Çак вăхăтра пушар хăрушсăрлăх правилисен тематикипе занятисем, ял халăхӗсемпе тӗлпулусем, ача-пăча ӳкерчӗкӗсен конкурсӗсем йӗркелеççӗ.