Сувар

Çамрăк профессионалсене чысларӗç

Ӗнер, ноябрӗн 29-мӗшӗнче, «Çамрăк профессионалсем» (WorldSkills Russia) регионти чемпионата хупнин пӗрремӗш церемонийӗ иртрӗ. 20 ытла компетенцире çӗнтернисене Хусанти патшалăх университетӗнче чысларӗç. Тутарстанра WorldSkills Russia регионти чемпионатра çак чыса 60 конкурсант тата WorldSkills Junior юхăмăн 20 конкурсанчӗ тивӗçрӗ. «Пирӗншӗн ку масштаблă та пӗлтерӗшлӗ мероприяти, мӗншӗн тесен республика 2019 çулта Хусанта профессилле...

Ӗнер, ноябрӗн 29-мӗшӗнче, «Çамрăк профессионалсем» (WorldSkills Russia) регионти чемпионата хупнин пӗрремӗш церемонийӗ иртрӗ. 20 ытла компетенцире çӗнтернисене Хусанти патшалăх университетӗнче чысларӗç.

Тутарстанра WorldSkills Russia регионти чемпионатра çак чыса 60 конкурсант тата WorldSkills Junior юхăмăн 20 конкурсанчӗ тивӗçрӗ.

«Пирӗншӗн ку масштаблă та пӗлтерӗшлӗ мероприяти, мӗншӗн тесен республика 2019 çулта Хусанта профессилле ăсталăхпа тӗнче чемпионатне ирттерме хатӗрленет. Çапах та пирӗн тӗп задача - экономика секторӗ валли тӗнче стандарчӗпе кадрсем хатӗрлесси. Республикăра ку енӗпе нумай ӗç пурнăçлаççӗ. Тӗслӗхрен, ресурс центрӗсем йӗркелеççӗ. Вӗсем пирӗн 30 »,- терӗ ТР вӗрентӳпе наука министрӗ Энгель Фаттахов церемонире.

ТР культура министрӗ Айрат Сибагатуллин та республика чемпионатне хутшăннисене хăйсен ӗçӗн ăсти пулма ăнăç сунчӗ.

Аса илтеретпӗр, ноябрӗн 27-29 тата декабрӗн 6-8-мӗшӗсенче Тутарстанри темиçе хулара (пурӗ 35 площадкăра) 16-22 çулти çамрăксен хушшинче 91 компетенципе, 14-16 çултисен хушшинче 23 компетенципе WorldSkills Russia регионти чемпионат пырать.

Реклама

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: