Чистайри «Шăпчăк» халăх ансамблӗ 20 çул тултарчӗ

Чистайри чăваш халăх ансамблӗ «Шăпчăк» 20 çул каялла йӗркеленнӗ пулнă. Тӗрлӗ вăхăтра ăна Лариса Долгова, Нина Зайева ертсе пынă. Халӗ ансамбле Вячеслав Митрофанов баянист ертсе пырать. Ансамбле кам 20 çул каялла çӳренӗ çавсемех çӳреççӗ пулмалла. Солисткăсенчен кунта Лидия Молоствовăна та курма пулчӗ. Анчах та вăл юрламарӗ. Операци хыççăн терӗç. Юбилярсене районти крешӗнсен ансамблӗ, Анат Кăтратари «Илем» ушкăн тата Чистайри ачасен ташă ансамблӗсем саламларӗç. Чăваш юрăçӗсене грамота тавраш та нумай тыттарчӗç. Ансамбль тимлӗхре пулни сисӗнчӗ. «Шăпчăксене» саламлама «Сувар» хаçат редакторӗ К.Малышев тата хаçат корреспонденчӗ И.Трифонова килсе çитрӗç. Вӗсем нумай пулмасть 30 çулхи юбилейне паллă тунă «Илем» ансамбле те хаклă парне парса чысларӗç.