ЧНКА команди пӗрремӗш вăйă ирттерет

Тутарстан халăхӗсен съезчӗ иртнине халалласа Хусанта нумай пулмасть йӗркеленнӗ «ЧНКА» футбол команди паян пӗрремӗш вăйă ирттерет. Тутарстанри чăваш наципе культура автономийӗ пулăшнипе йӗркеленнӗ футбол командин ятне те çамрăксем «ЧНКА» тесе парас терӗç. Хальхи вăхăтра Хусанти любительсен лигинче выляма ятарлă форма çӗлеттереççӗ. Чăваш çамрăкӗсем «Динамо» стадионра (М.Горький урамӗ, 11а çурт) «Лидер» ятлă командăпа 17.00 сехетре тӗл пулӗç. Стадиона кӗресси тӳлевсӗр. Пирӗн командăна тӗрев пама пурне те, çав шутра Халăхсен съездне хутшăнакан делегатсене те, йыхравлатпăр.