Хусанта çамрăк ентешсен вăййисем иртеççӗ

Хусанта май уйăхӗн 14-мӗшӗнчен пуçласа 20-мӗшӗччен Пӗтӗм тӗнчери çамрăк ентешсен III вăййисем иртеççӗ. Вăйăсем ентешсен ачисем (ют çӗршывсенче пурăнакан) хушшинче иртеççӗ. Вăйăсен тӗллевӗ халăхсен хушшинчи туслă çыхăнăва çирӗплетесси, ачасене спортпа кăсăклантарасси.

Кăçал вăйăсене 47 çӗршывран (Австри, Армени, Ирланди, Норвеги, Испани тата ыттисем те) хутшăнаççӗ. Пурӗ 600 ача.

Масштаблă мероприяти ултă паллă спорт тӗсӗсемпе иртет: баскетбол 3x3,мини-футбол, волейбол, шахмат, сӗтел çи теннисӗ тата ишев. Тӗп судья Олимпри вăйăсен икӗ хутлă призёрӗ, Тӗнчепе Европан чемпионачӗн призёрӗ, Раççейӗн тивӗçлӗ спорт мастерӗ Ирек Хайдарович Зиннуров пулать.