Хусанта «вăрттăн хăна» çӳрет

Хусанта кăçалхи чи лайăх ресторанпа хăна çуртне кам суйласа илет тетӗр-и? Комисси те, турист та мар - вăрттăн хăна. Вăл - ресторанпа хăна çурчӗн ««кухнине» лайăх пӗлекен эксперт, ресторатор, отельер. Хусанта кун пек «хăна» пӗрре кăна та мар иккен-ха тата. Ячӗсене никам та пӗлмест, мӗншӗн тесен вăрттăнлăха уçма юраманни çинчен килӗшӳ тунă. Паллах, куç хӳрипе пăхса илнипех чи лайăх ресторан е хăна çурчӗ хăшӗ пулнине вăл та палăртаймасть. Çавăнпа Хусанта «вăрттăн хăна» май уйăхӗнченпех ӗçлет. Кун çинчен тӗплӗнрех «Сувар» хаçатăн ыран тухакан номерӗнче вулăр.