Кун хыççăн кун

Ноябрь, 28
Хӗвел: тухать - 7.45, анать - 15.19, кун тăршшӗ - 7.34. Уйăх: тухать - 5.57, анать - 15.21.
Халăх календарӗпе - Гу­рий. Çак кун юр çусан вăл çуркуннечченех ирӗлмест теççӗ. 40 куна тăсăлакан Раш­тав типпи пуçланать.

Ноябрь, 29
Хӗвел: тухать - 7.46, анать - 15.18, кун тăршшӗ - 7.31. Çӗнӗ уйăх (15 сехет те 20 минутран): тухать - 7.00, анать - 15.51.
Халăх календарӗпе - Матвей. Çак кун вăйлă çиллӗ-тӗк, çил-тăмансем хӗллехи Микулачченех (декабрӗн 19-мӗшӗ) тăсăлӗç.
Çак кун çуралнă: Владимир Нагорнов (60 çул).

Ноябрь, 30
Хӗвел: тухать - 7.48, анать - 15.17, кун тăршшӗ - 7.29. Уйăх: тухать - 8.01, анать - 16.26.
Килти чӗрчунсен кунӗ.
Халăхсен хушшинчи ин­формацие хӳтӗлемелли кун.
Халăх календарӗпе - Григорий. Çак кун мӗнле, хӗл те тӗпрен илсен çапла пулать теççӗ.

Декабрь, 1
Хӗвел: тухать - 7.50, анать - 15.16, кун тăршшӗ - 7.26. Уйăх: тухать - 8.56, анать - 17.10.
Пӗтӗм тӗнчери СПИДпа кӗрешмелли кун.
Пӗтӗм Раççейри хоккей кунӗ.
Халăх календарӗпе - Пла­тон тата Роман. Çак кун та хӗл мӗнле пуласса кăтартать. Çанталăк мӗнлине кунӗпех сăнамалла: ирхине - хӗл пуç­ламăшӗ, кăнтăрла - хӗл варри, каçхине хӗл вӗçӗ епле пуласса кăтартать.
Çак кун çуралнă: Геннадий Хазанов, Гарик Сукачев.

Декабрь, 2
Хӗвел: тухать - 7.51, анать - 15.15, кун тăршшӗ - 7.24. Уйăх: тухать - 9.46, анать - 18.00.
Банк ӗçченӗн кунӗ.
Халăх календарӗпе - Ав­дей.
Çак кун çуралнă: Бритни Спирс (35 çул).