Ӗлӗк хӗрарăм сурпан сырмасăр кӗтӳ хăвалама та тухман

Хусанти мастер-класра вăй виçме Апас, Çӗпрел, Элмет, Анат Кама, Элкел, Лениногорски, Аксу, Теччӗ районӗсенчи чăваш педагогӗсем суйлав турӗсенчен иртсе мартăн 23-мӗшӗнче шӗкӗр хулари 27 номерлӗ гимназие çитрӗç.
Тăван чӗлхе урокӗсене тӗрлӗрен меслетпе ирттерсе кăтарнисӗр пуçне вӗсем чăваш капăр тумӗн презентацине те ирттерчӗç. Кунта вара учительсен пултарулăхӗ урокринчен те ытларах палăрчӗ. Сурпан та сырса кăтартаççӗ, масмакӗ-тевечӗ мӗншӗн кирлӗ пулнине те ăналантараççӗ, саппун тӗррин пӗлтерӗшне вӗсенчен лайăх пӗлекен çук пулӗ.