Март уйăхӗ сивӗ пулать
Çурхи хӗвел хытăрах пăхма тытăнсанах тепӗр ыйту тухать - ейӳ. Çуллен унăн малтанхи прогнозне хатӗрлеççӗ. Паллах, ку ыйтура вак-тӗвек пулма пултараймасть. Кăçал та пирвайхи прогноз хатӗр. Енчен те ейӳ вăйлă сарăлас пулсан республикăри 42 районти 220 яла (социаллă пӗлтерӗшлӗ 48 çурта, 55 автоçул участокне, 36 кӗпере) шыв илес хăрушлăх пур....
Çурхи хӗвел хытăрах пăхма тытăнсанах тепӗр ыйту тухать - ейӳ. Çуллен унăн малтанхи прогнозне хатӗрлеççӗ. Паллах, ку ыйтура вак-тӗвек пулма пултараймасть. Кăçал та пирвайхи прогноз хатӗр. Енчен те ейӳ вăйлă сарăлас пулсан республикăри 42 районти 220 яла (социаллă пӗлтерӗшлӗ 48 çурта, 55 автоçул участокне, 36 кӗпере) шыв илес хăрушлăх пур. Çапах та шыв хăпарса инфраструктурăран уйăракан пӗр ял та çук республикăра. Çаплах чукун çул участокӗсем, наркăмăшлă химикат склачӗсем, промышленность каяшӗсене пуçтаракан, шыв уçлакан вырăнсем тата выльăх масарӗсем те шыв çулӗ çинче мар.
Ейӳ вăйлă сарăлас пулсан çав вырăнсенчен эвакуацилекен çынсене вăхăтлăха вырнаçтармалли 149 вырăн халех хатӗрлесе хунă. Çак вăхăтра çынсене хӳтӗлемелли мероприятисем йӗркелесси пирки ТР Министрсен Кабинечӗ февралӗн 2-мӗшӗнче постановлени те йышăннă ӗнтӗ.
Тепӗр хут аса илтеретпӗр, ку прогноз ейӳ вăйлă сарăлас пулсан кăна тӳрӗ килӗ. Гидрологи лару-тăрăвне 28 гидрологин стационар посчӗ тата 98 МСЧ вăхăтлăх посчӗ сăнасах тăрӗ, ятарлă 5 вертолет разведка тăвӗ.
Синоптиксен прогнозӗ тăрăх, март уйăхӗнчи çанталăк питех савăнтармасть, вăхăт-вăхăтпа февраль уйăхне те аса илтерет. Апрель вара хӗвеллӗ те ăшă пулать.
Следите за самым важным и интересным в Telegram-канале Татмедиа
