Матчсен вăхăтӗнче эрех сутмаççӗ

Конфедерацисен Кубокӗ вăхăтӗнче, июнӗн 18, 22, 24 тата 28-мӗшӗсенче, Хусанта 17 автобус, 1 трамвай тата 2 троллейбус маршручӗсене улăштараççӗ. Кунсăр пуçне 6№ трамвая вăхăтлăха рейса кăлармаççӗ. 5№ трамвай та унчченхи пек тăтăш çӳремест. Çапла майпа транспорт­сен юхăмне тата пассажирсен хăрушсăрлăхне лайăхлатма шутлаççӗ.
Кунсăр пуçне матчсен вăхăтӗнче «Казань-1», «Казань-2» чугун çул вокзалӗсенче, аэропортра тата вӗсен çывăхӗсенчи урамсенчи 250 лавккара эрех сутма чараççӗ. Анчах та ресторансене пырса тивмест ку. Вӗсем алкогольлӗ продукцие талăкӗпех сутма пултараççӗ. Кафепе барсем вара сăра кăна ярса параççӗ.