Маттур, Диана!

Ноябрӗн 2-мӗшӗнче Шупашкарти Ачасемпе çамрăксен республика библиотекинче регионсем хушшинчи «Чăваш кӗнеки. Çамрăк талантсем» конкурс çӗнтерӳçисене чысларӗç. Конкурс йӗркелӳçи - Чăваш кӗнеке издательстви. Кăçал вăл виçӗ номинаципе иртрӗ: «Чăваш кӗнеке издательствин кӗнеки çинчен çырнă чи лайăх калав», «Ача аллипе тунă чи лайăх кӗнеке», «Кӗнекери интереслӗ эпизод» темăпа ӳкернӗ чи лайăх ӳкерчӗк». Конкурса Чăваш Республикин районӗсемпе хулисенчен, Тутарстанпа Пушкăртстан республикисенчен тата Самар облаçӗнчен пурӗ 57 хутшăнакан ӗçӗсене тăратрӗ.
Тутарстан Республикинчи Çӗпрел районӗнчи Матак вăтам шкулӗн вӗренекенӗ Диана Мердеева иккӗмӗш çул пире хăй аллипе тунă кӗнекесемпе савăнтарать. Хӗр ача сăввисене те хăй çырать, ӳкерчӗксемпе те хăйех илемлетет. Диана «Ача аллипе тунă чи лайăх кӗнеке» номинацире çӗнтерчӗ.
Çӗнтерӳçӗсемпе номинантсене дипломсемпе, Чăваш кӗнеке издательствипе вырăнти хаçат ятӗнчен асăнмалăх парнесем парса чысларӗç.
Конкурс вӗçленчӗ пулсан та, конкур­сантсен ӗçӗсене Ачасемпе çамрăксен республика библиотекин вулав за­лӗн­че ноябрӗн 1-мӗшӗнчен пуçласа 20-мӗшӗччен иртекен куравра курма пу­лать.
Сăмах май, конкурс çӗнтерӳçисене çулсерен Чăваш кӗнеке издательстви йӗркеленнӗ кун умӗн чыслаççӗ. Кăçал ноябрӗн 12-мӗшӗнче издательство уçăлнăранпа 96 çул çитет.