Сувар

«Науруз» форума испансем хутшăнаççӗ

(Ирина Трифонова. Автор сăнӳкерчӗкӗ). Майăн 28-мӗшӗнчен пуçласа июнӗн 3-мӗшӗччен Хусанта V «Науруз» Халăхсен хушшинчи театр вӗрентӗвӗн форумӗ пулать. Аса илтеретпӗр, «Науруз» фестиваль те пур, форумпа вӗсем ылмашăнса икӗ çулта пӗрре иртеççӗ. Çапах форум театр ӗçченӗсем валли семинарсемпе лекцисем йӗркеленипе кăна иртмӗ, кăштах спектакль постановкисем те пулаççӗ. Кăçалхи хэдлайнер - «Чернобыльский...

(Ирина Трифонова. Автор сăнӳкерчӗкӗ). Майăн 28-мӗшӗнчен пуçласа июнӗн 3-мӗшӗччен Хусанта V «Науруз» Халăхсен хушшинчи театр вӗрентӗвӗн форумӗ пулать. Аса илтеретпӗр, «Науруз» фестиваль те пур, форумпа вӗсем ылмашăнса икӗ çулта пӗрре иртеççӗ. Çапах форум театр ӗçченӗсем валли семинарсемпе лекцисем йӗркеленипе кăна иртмӗ, кăштах спектакль постановкисем те пулаççӗ. Кăçалхи хэдлайнер - «Чернобыльский идиот» спектакль, ăна Колумби режиссерӗ Алехандро Гонзалес Пуче Ф.М.Достоевскин хайлавӗ тăрăх лартнă. Сăмах май, Алехандро Мускавра ГИТИС пӗтернӗ. Кун пирки «Татар-информ» информаци агентствинче иртнӗ пресс-конференцире Г.Камал ячӗллӗ Тутар патшалăх академи театрӗн директорӗ Ильфир Якупов пӗлтерчӗ.

Унсăр пуçне тӗлпулăва театрăн литературăпа драма пайӗн пуçлăхӗ, форумăн программа директорӗ Нияз Игламов тата театрăн тӗп режиссерӗ Фарид Бикчентаев та килнӗччӗ.

Ильфир Якупов пӗлтернӗ тăрăх, форума 18 театр педагогне чӗннӗ. Эрне тăршшӗпе 6 секци ӗçлӗ, вӗсем театр творчествисӗр пуçне менеджментпа, театр тӗнчинчи закон кăларас йӗркепе, финанс ыйтăвӗсемпе те çыхăннă.

«Науруз» хэдлайнерӗ Колумби спектаклӗ пулни, паллах, тӗлӗнтерет. Ăçтан шыраса тупнă, мӗншӗн вӗсене чӗннӗ? Постановкăра вӗсем Достоевскипе Чернобыле, испан чӗлхине хутăштарса хăйнеевӗр микс тунă. Çакна Фарид Бикчентаев ăнлантарса пачӗ.

«Алехандро Гонзалеса тахçантанпах, ГИТИСра Петр Фоменко патӗнче вӗреннӗренпех пӗлетпӗр. Пирӗн сцена çинче вӗсем «Принцесса Турандот» спектакле лартнине астăвакансем пур пуль-ха. Каярахпа Алехандро «Чернобыльская молитва» хайлава вуласа тухнă та Достоевскин »Идиочӗпе» хутăштарса хăйевӗр постановка шутласа кăларнă. Спектакле хусансем майăн 30-31-мӗшӗсенче курма пултараççӗ, билетсене сутма пуçланă ӗнтӗ», - терӗ Фарид Бикчентаев. (С. Исхаков сăнӳкерчӗкӗ).

Нияз Игламов форума Казахстан, Пушкăртстан, Тутарстан, Марий Эл, Тыва республикисенчен, Алтай, Якути тăрăхӗсенчен, Ульяновск облаçӗнчен пурӗ 300 çын ытла хутшăнассине пӗлтерчӗ. Заявкăсене апрелӗн 15-мӗшӗччен йышăнаççӗ. Çавăнпа хальлӗхе миçе театр хутшăнасси паллă мар.

Форум Раççей Федерацийӗпе Тутарстан Республикин культура министерствисем, Раççейпе Тутарстанăн театр ӗçченӗсен союзӗсем пулăшнипе иртет. Йӗркелӳ ӗçӗсене Г.Камал ячӗллӗ академи театрӗ пурнăçлать.

Каласа хăвармалла: «Науруз» форум пӗрремӗш хут 2010 çулта иртнӗ, ун чухне Раççейпе СНГ çӗршывӗсенчен пурӗ 250 театр ӗçченӗ хутшăннă.

Кун пирки «Сувар» хаçатра тӗплӗнрех вуласа пӗлме пултаратăр.

Нравится
Поделиться:
Реклама
Комментарии (0)
  • 24 мая 2018 - 16:19
    Кивӗ Мăкшел вырсарникун уяв ирттерет Кивӗ Мăкшелӗнче вырсарникун уяв.
    29
    0
    0
  • 24 мая 2018 - 15:39
    Айтăр Сиктӗрмене Акатуя! Программăра: ӗçре мала тухнисене чысласси, концерт, вăйăсем, лашасен ăмăртăвӗ.
    39
    0
    0
  • 24 мая 2018 - 15:28
    Шкулсенче юлашки шăнкăрав Майăн 24-мӗшӗнче çӗршыври вун пӗрмӗш классемшӗн юлашки шăнкăрав янăрарӗ, пӗр вăхăтрах савăнăçлă та тунсăхлă уяв.
    22
    0
    0
  • 24 мая 2018 - 14:19
    «Ылтăн пиçиххи» кăçал камăн? Хӗвел тухăç кӗрешӗвӗнче çитӗнӳ туса республика имиджне çӗклекенсене майăн 26-мӗшӗнче «Ылтăн пиçиххи» наци премийӗпе чыслаççӗ.
    19
    0
    0
  • 24 мая 2018 - 12:08
    «Сувар» кубокӗшӗн турнир! Чи пултаруллă та правур команда «Сувар» хаçат кубокне тивӗçет. Турнир кăçал июнӗн 1-мӗшӗнче Пăвара пулать. Кӳршӗллӗ район командисем, ан юлăр!
    23
    0
    0
  • 24 мая 2018 - 10:27
    Урăлăх çулӗ вăл – пурнăç çулӗ Йăла тăрăх, православи чиркӗвӗсенче сентябрӗн 11-мӗшӗнче урăх эрех ӗçместӗп тесе тупа тăваççӗ. Православире урăлăх пирки тупа тумалли кун тата та пур – майăн 18-мӗшӗ. Çак кун «Турă Амăшӗн Хусан турăшӗн «Неупиваемая Чаша» турăшне асăнаççӗ.
    28
    0
    0
  • 24 мая 2018 - 09:56
    Путин пособине республикăра пинмӗш çемье илнӗ Çулталăк пуçланнăранпа Тутарстанра пӗрремӗш ачашăн парăнакан 8,5 пин тенкӗ пособие илмешкӗн 1000 çемье заявлени панă. Юбилейлă çемьене ӗнер хаваслă лару-тăрура чысларӗç.
    29
    0
    0
  • 23 мая 2018 - 16:25
    Альших, Тинкеш, Кипекасси – Рункăра хăнара Пăва чăвашӗсем те çуллахи Микуларан вăййа пуçлаççӗ. Кăçал йăлана районта чи малтан рункăсемпе кипеккассисем пуçларӗç
    49
    0
    0
  • 23 мая 2018 - 15:30
    Тимӗрçӗ пулса курас килет-и? Çитес канмалли кунсенче Хусанта пӗрремӗш хут тимӗрçӗ фестивалӗ иртет. Кăмăл пуррисем унта тимӗрçӗ пулса пăхма пултараççӗ.
    29
    0
    0
  • 23 мая 2018 - 14:06
    Çапăçать-тӗк, çулталăка поезд çинчен манать Поездра çапăçакансене «хура» списока кӗртесшӗн. Енчен те транспорт çинче хăйсене тивӗçлӗ тыма пӗлмеççӗ-тӗк, çулталăка поезд çинчен манма тивӗ.
    21
    0
    0
  • 18 мая 2018 - 13:03
    «Мунча шăрши»
  • 26 марта 2018 - 14:12
    Пирӗннисем «Кӗмӗл сасăра»
  • «Аталан» форум – 2018
  • 26 февраля 2018 - 08:41
    Салам хакӗ 600-1000 тенкӗ Мартăн 1-мӗшӗнчен саламлассинче кăшт улшăнусем пур: халӗ 600 тенкӗлӗх салама 600 паллă таранах (пробелсемпе) çырма юрать. 600-тен 1000 паллă таран салам унчченхи пекех 1000 тенкӗ. Редакци.
Ночной режим