Паттăрсем Путинпа тӗл пулчӗç

РФ Президенчӗ Владимир Путин паян Мускавра çӗршыв Паттăрӗсемпе тӗл пулать. Çуллен иртекен çак мероприятие Тăван çӗршывăн Геройӗсен кунне халалланă.

Тутарстанран тӗлпулăва Совет Союзӗн Геройӗпе Борис Кузнецовпа Раççей Геройӗ Александр Супонинский кайрӗç. Вӗсене ӗнер чугун çул вокзалӗнчен тăванӗсем, журналистсем, власть тата ыр кăмăллăх фончӗсен представителӗсем, «Юнарми» пӗрлешӗвӗн каччисемпе хӗрӗсем ăсатрӗç.

Паянхи кун сывă пурăнакан пӗртен-пӗр Совет Союзӗн Геройӗ Борис Кузнецов Путинпа тӗлпулу мӗнле иртнине ТР Президентне Р.Минниханова тата хусансене тӗплӗн каласа пама шантарчӗ.

«Юлашки кунсенчи хыпар, Владимир Путин çӗршыв президенчӗ пулма хăйӗн кандидатурине тăратни, Раççейшӗн питӗ пысăк пӗлтерӗшлӗ. Маншăн та ку тӗлпулу çав тери пӗлтерӗшлӗ, мӗншӗн тесен çӗршыв хыпарне ертӳçӗрен хăйӗнчен пӗлсе килетпӗр»,- тенӗ ветеран.

Çӗршыв Президенчӗпе пӗрре мар тӗл пулса калаçнă Александр Супонинский вара çак тӗлпулуран лайăх кăмăлпа таврăнасса, хăйӗн тахçантанпах курман герой-юлташӗсемпе курнăçасса кӗтнине пӗлтерчӗ.

Паттăрсемпе пӗрле çак тӗлпулăва вӗсен мăшăрӗсем тата медицина ӗçченӗ кайрӗç. (Р. Фасхутдинов сăнӳкерчӗкӗ).