Сувар

Паян чăвашла юрлакан тутар юрăçи çуралнă

Пирӗн эстрадăн «шăннă тинӗсне» вăл пăр çӗмерекен ледокол пек, стереотипсене çӗмӗрсе пырса кӗчӗ. Енчен те Шупашкарата чăваш юрăçисем (пурте мар, паллах, çапах та...) вырăссен е ытти халăх эстрадинчи кӗвӗсемпе сăмахсене «чăвашлатма» хăнăхса кайрӗç пулсан, Хусанта пурăнакан Фарида чăваш сăмахӗсене хăй çырнă тутарларах кӗвӗсем çине хурса илемлӗ юрăсем шăрантара пуçларӗ. 3-4...

Пирӗн эстрадăн «шăннă тинӗсне» вăл пăр çӗмерекен ледокол пек, стереотипсене çӗмӗрсе пырса кӗчӗ. Енчен те Шупашкарата чăваш юрăçисем (пурте мар, паллах, çапах та...) вырăссен е ытти халăх эстрадинчи кӗвӗсемпе сăмахсене «чăвашлатма» хăнăхса кайрӗç пулсан, Хусанта пурăнакан Фарида чăваш сăмахӗсене хăй çырнă тутарларах кӗвӗсем çине хурса илемлӗ юрăсем шăрантара пуçларӗ.
3-4 çул хушшинче ăна куракансем Чăваш Республикинче кăна мар, кӳршӗллӗ ытти регионсенче те паллакан, юратакан, концерчӗсене кӗтекен пулчӗç. Халӗ Фарида Файзуллина чăваш эстрадинчи чи паллă юрăçсенчен пӗри. Халăх юратăвне вăл хăйӗн пултарулăхӗпе çӗнсе илчӗ.
Мартăн 5-мӗшӗнче Хусанти «Ак Барс» Çамрăксен центрӗн концерт залӗнче унăн пултарулăхне Тутарстанăн тӗп хулинче пурăнакансем хаклӗç. (ыйтса пӗлмелли телефон номерӗ 89196314021)
Эпир вара хисеплӗ юрăçа тепӗр хут çуралнă кунӗ ячӗпе саламлатпăр, куракансене илемлӗ юррисемпе тата та тата савăнтарма сунатпăр.

Нравится
Поделиться:
Реклама
Комментарии (0)
Осталось символов: